حواوشي اسكندراني
حواوشي اسكندراني
حواوشي اسكندراني في البيت و احلى مليون مرة من الجاهز
بتحبوه ب وش بيتزا و لا عادى ؟
المقادير:-
- للعجينه:-
- - ٢ ١/٢ كوب دقيق
- - كوب مياه دافيه (للعجن)
- - معلقه صغيره ( خميره- ملح - سكر)
- - ٢ معلقه كبيره زيت زيتون
- هنخلط المواد الجافه الاول كويس مع بعض و بعدين ننزل المياه بالتدريج لحد ما العحينه تلم و هنضيف الزيت و نعجنها لمده ١٠ دقايق متواصله و نغطيها و نسبها تخمر ف مكان دافى لمده ساعه
- للحشو:-
- - ٤٠٠ جم لحمه مفرومه ،وربع كيلو ليا ضاني هيخلي طعم الحواوشي تحفه
- - طماطم ، فلفل رومي ، بصل ،كزبره خضراء مش كتير
- - معلقه صغيره ملح ،نص معلقه سبع بهارات،2فص ثوم، فلفل اسود، كزبره ناشفه
- - رشه بسيطه قرفه ، جوزه الطيب
- - ٢ معلقه صغيره شطه حاره ( حسب الرغبه)
هنفرم اللحمه ومعاهم البصل والفلفل والطماطم والخضره كمان .
وبعدين هنقلب اللحمه مع البهارات ونعجها كويس بحيث البهارات تتوزع كويس
و بعدين نبدا ناخد العجينه نقسمها لاربع كور متساويه
هناخد كل كوره نفردها و نحط عليها اللحمه و بعدين نحط طبقه تانيه من العجينه و نقفلهم كويس على بعض و نخرمها من فوق بشوكه عشان ماتتنفخش و المقادير دى هتعمل ٢ حجمهم وسط بعد ما نجهزه هندهنه ببيض و نرش عليه حبه البركه و سمسم اختياري ، و لو عايزنه وش بيتزا هنحط عليه كاتشب ، جبنه موتزريلا و اى اضافات نحبها
التسويه بتاخد حوالي 20دقيقه بالضبط وخالي النار هاديه عشان العجين يستوي كويس واللحمه تستوي كويس ويطع معاكي حلو
و بالهنا و الشفا.